POESÍA E ARTE. OH!, AS CORES.

Texto de Jorge Luján e ilustracións de Piet Grobler

Versos para enaltecer a beleza que nos rodea: o ceo, os froitos, os astros, a natureza... Un pracer para a vista e unha fonte de evocación para os demais sentidos.

O BEIXE 

adurmiñou na area

de tanto que o arrolou

a marea.

O AZUL 

está sempre arriba,

agás nalgunhas flores

e nos ollos da meniña.

A cor ROSA

fai o mesmo cás rosas,

perfuma

ata as máis pequenas cousas.

O AMARELO

roda polo ceo

coma umha moeda

de ouro morna.

Nunha pequena semente

cabe todo o VERDE,

cabe o trevo, cabe a ceiba,

cabe a selva enteira.

Ai!, LARANXA,

pequeno sol do horto,

dirán que te comín

e será certo,

Unha brasa acesa

pousou sobre o albedro.

Quen canta?

O VERMELLO.

O MARRÓN 

é un coco á deriva

ou un penedo

cun antílope encima.

Viu unha lagoa,

viu unha flor,

viu o solpor,

VIOLETA!

A noite vestiu

o seu traxe NEGRO

para que luzan máis belos

os ollos do universo.

Abre e pecha o seu abano

a lúa, moi paseniño:

BRANCO,

branquiño.

ABECEDARIO DA ARTE

Carlos Reviejo e Ana Moreno Rebordillos (autores)

SM (editorial)

Este libro percorre 29 obras de arte das coleccións Thyssen-Bornemisza e Carmen Thyssen-Bornemisza por orde cronolóxico e alfabético. Cada dobre páxina corresponde a unha letra e unha obra. Os textos son sinxelos e divertidos, ideados para que os nenos e nenas os comprendan e por medio deles se acheguen as obras. 

BOS DÍAS TÀPIES!

Mª Àngels Comella (autora)

Serres (editorial)

Eulalia ten una axenda especial na que anota todo o que lle gusta.

Na la letra t só hai un nome: Tàpies, ao que quere coñecer.

Acompañamos a Eulalia na súa aventura e entramos con ela na gran casa de Tàpies: descubriremos os seus cadros, as suas magníficas obras e a un xenio marabilloso. 

ROSALÍA DE CASTRO IMAXE E REALIDADE

Fernando Pereira Bueno (autor)

Xerais (editorial)

Este libro constitúe o primeiro estudo iconográfico dedicado a Rosalía de Castro e pertence a un xénero bibliográfico un tanto distinto, que poderiamos chamar iconografía documental. Nel analízanse algunhas das interpretacións que da imaxe e do espírito da poeta fixeron os artistas plásticos de distintas épocas que axudaron a identificala plenamente. 

UN CADRO DE PICASSO

Claire d´Harcourt (tesxto)

Pablo Picasso (ilustración)

Xosé Ballesteros (traducción)

Kalandraka (editorial)

Despois do bombardeo de Guernica por avións alemáns no 1937, Pablo Picasso convirte o lenzo e os pinceis no seu medio de expresión contra a guerra, pintando de negro, gris e branco os seus efectos devastadores e os símbolos dun futuro esperanzador.

...

HISTORIA DUN PEQUENO PROXECTO II

Iniciamos un proxecto sobre as Meninas a partir do vocabulario da familia. Preparamos unha ficha onde os rapaces e rapazas investigaron acerca deste cadro e o seu autor. Escoitaron un pequeno vídeo da páxina do Museo do Prado e averiguaron cal era o “verdadeiro” nome do cadro, quen o fixera, en que ano e que significado tiña a palabra “menina”. 

Despois, era importante coñecer aos personaxes do cadro, saber quen eran e sobre o propio autor. Ademais, enmarcamos a pintura no movemento artístico do barroco sinalando catro pinceladas sobre el.

Como colofón, preparamos unha pequena exposición utilizando a técnica do collage.

HISTORIA DUN PEQUENO PROXECTO i

O tema da arte é fascinante para todos e moi amplo. No ano 2014, outorgáronlle o Premio Príncipe de Asturias a Quino, o creador de Mafalda. Pareceunos fantástico porque as tiras cómicas dan moito xogo así que, en lingua castelá,  estivemos (e seguimos) lendo tiras de Mafalda onde traballamos a expresión oral facendo unha lectura expresiva, comprensión escrita onde interpretamos a ironía e os xogos de palabras pero tamén gramática (determinantes, acentuación, palabras con b, v...); e expresión escrita onde inventamos diálogos, creamos textos a partir dunha tira (por exemplo: un diario). Neste caso, borramos o que escribía Mafalda e cada alumno/a tiña que poñerse na súa pel e escribir o que podería estar pensando a nena.

Ademais, estivemos investigando sobre a rapariga e mailos outros personaxes: cando aparecen nas tiras, os seus gustos, ... pero tamén sobre o autor, Quino. Traballamos a liña temporal a partir da súa biografía online. Comprobamos as diferenzas básicas entre o español de América e o de España.